May nakahandang pasabog ang Malakanyang laban kay Peter Joemel Advincula alyas Bikoy na nasa “Narcolist video”.
Gayunman, hindi muna idinetalye pa ni Presidential Spokesman Salvador Panelo ang hinggil sa sinasabing pasabog ng Malakanyang.
Hinihintay lamang umano nila ang mga dokumento mula sa Philippine National Police (PNP) na magdidiin sa kaso laban kay Bikoy.
Ttiniyak ni Panelo na agad niyang isasapubliko ang sinasabing pasabog sa oras na makumpleto na ang kanilang mga dokumento.
Giit pa ng tagapagsalita, isang malinaw lamang aniya na black propaganda ng mga kalaban ang paglantad ni Bikoy at ginagamit para sirain ang administrasyong Duterte.
