Umalma ang Ibon Foundation sa resulta ng pinakahuling data ng Philippine Statistics Authority (PSA) hinggil sa poverty incidence sa bansa.
Tinawag na unrealistic ni Ibon Foundation Director Rosario Bella Guzman ang naging pamantayan ng PSA at NEDA kaya’t bumaba sa 21 porsyento ang poverty incidence sa mga Pilipino sa unang tatlong buwan ng 2018.
Sinabi ni Guzman na hindi sumasailalim ang pamantayang ginamit ng PSA at NEDA sa tunay na poverty line o pamumuhay ng isang Pilipino dahil masyado itong mababa.
Kinontra ni Guzman ang pahayag ng PSA na halos P11,000 lamang kada buwan ang kailangan para mabuhay ang limang miyembro ng isang pamilya gayung ang totoo aniya ay dapat P30,000 ang kailangan para mabuhay ng disente araw araw.
