Lagda na lamang ni Pangulong Rodrigo Duterte ang hinihintay para maging isang ganap na batas ang pagkakaroon ng libreng internet sa mga transport terminal sa bansa.
Una nang naipadala sa Malacañang ang kopya ng Senate Bill 1746 o Act to Improve Land Transport Terminals, Stations, Stops, Rest Areas and Roll On / Roll Off Terminals.
Umaasa si Senate Committee on Public Services Chair Grace Poe, na siya ring principal author ng naturang panukalang batas na aaprubahan na ito ng Pangulo sa lalong madaling panahon upang mapakinabangan ng mga estudyante na magbabalik mula sa kanilang bakasyon sa kani-kanilang probinsya.
Bukod sa free internet, itinatalaga din ng nasabing batas ang pagkakaroon ng malinis na palikuran at bukod na lactating stations para sa mga breastfeeding mothers.
—-
