Target ng Russia na bagsakan ng nuclear missile ang Pentagon na headquarters ng United States Department of Defense.
Ito’y ayon sa inilabas na listahan ng Russia kaugnay sa mga target nilang bagsakan ng nuclear sakaling magbanta rin ang Amerika na mag-deploy ng naturang missiles.
Kabilang din sa listahan ang US Presidential Retreat sa Camp David sa Maryland na pinamamahalaan ng US Navy.
Magugunitang nagbabala si Russian Leader Vladimir Putin na handa ang puwersa ng kanilang militar para sa isang Cuban-missile crisis kung gugustuhin ito ng Amerika.
Samantala, ikinonsidera naman ng Amerika na isang walang katotohanang propaganda ang ginawang babalang ito ni Putin at inihayag na wala silang plano na mag-deploy ng mga missile sa nasasakupan ng Russia.
—-