Nasabat sa ikinasang buy-bust operation ng PDEA o Philippine Drug Enforcement Agency ang halos dalawang milyong pisong halaga ng shabu sa Pasig, kagabi.
Nakumpiska mula sa 24 na taong alyas “Lem” ang tatlong plastic bag ng hinihinalang shabu na may bigat na 250 gramo.
Giit ng suspek, runner lamang siya ng shabu.
Mariin naman itong pinabulaanan ni Agent Leverette Lopez ng PDEA- NCR Eastern District dahil ang suspek aniya ang mismong naghahatid ng mga binebentang shabu sa iba’t ibang barangay sa Pasig.
Kasalukuyan namang inaalam ng PDEA kung saang grupo kabilang ang suspek na nahaharap ngayon sa kasong pagbebenta ng iligal na droga.
