Lusot sa House Committee on Natural Resources ang panukalang batas na nagdedeklara sa Kalayaan Island Group bilang isang “Alienable o Disposable” na lupa.
Nakasaad sa House Bill 5614 na kinakailangan maging alienable o disposable land ang naturang isla upang maisulong ang permanenteng paninirahan dito at magkaroon ng kabuhayan ang mga nais manirahan dito.
Naniniwala din ang mga may akda nito na sina Speaker Pantaleon Alvarez at Majority Leader Rodolfo Fariñas na isang paraan ito upang mas lalo pang lumakas ang opurtunidad ng bansa sa pagnenegosyo at kalakalan sa pamamagitan ng pamumuhunan.
Giit pa ni Alvarez at Fariñas na mainam na pangisdaan ang Kalayaan Island.
Bukod pa rito ay mayroon din oil at natural gas reserves na mahalaga sa seguridad at ekonomiya ng bansa.
