Walang inaasahang papasok na bagyo sa bansa sa susunod na tatlo hanggang limang araw.
Ito ang inihayag ng Philippine Atmospheric, Geophysical and Astronomical Services Administration o PAGASA.
Gayunman, bagama’t bahagyang humina ay magdudulot pa rin ng mahina hanggang katamtamang mga pag-ulan ang hanging habagat sa mga susunod na araw.
Maaapektuhan nito ang western section ng bansa partikular sa Ilocos Region, MIMAROPA at gayundin sa mga probinsya ng Zambales at Batanes.
Matatandaang isinailalim sa state of calamity ang lalawigan ng Batanes bunsod pa rin ng matinding epekto ng bagyong Ferdie.
By Jelbert Perdez
