Binigyan na ng ayuda ng Philippine Consulate General sa Jeddah ang isang Pinay domestic helper na pinagsamantalahan ng kinatawan ng kanyang recruitment agency.
Ayon sa Department of Foreign Affairs (DFA), tumulong ang konsulada sa paghahain ng reklamo laban sa suspek na isang Saudi national.
Sinasabing kinuha ng naturang agency representative ang Pilipina mula sa female shelter ng konsulada sa pangakong ililipat ng employer ang biktima.
Ngunit sa halip na sa employer ay sa hotel dinala ang biktima kung saan sya hinalay ng ilang beses.
Naaresto na ang suspek sa loob mismo ng diplomatic office.
