Hindi na mapigilan ang biglaang pagsikat nila Alden richards at ng tinaguriang Dubsmash Queen na si Maine Mendoza aka Yaya Dub
Kasunod ito ng muli nilang pagkikita kahapon sa Kalye serye ng noontime show na Eat Bulaga
Dito, nadiskubre ng SWAT o Sisters With Attitude na kinatatampukan nila Tinidora at Tidora na ang pamangkin ni Lola ni Dora na si Duhrizz Maine ang siyang nagpadukot sa dalawa.
Labis-labis naman ang kilig ng mga AlDub fanatics dahil sa saglit na pagkakahawak ng AlDub sa isa’t isa gayundin ang pag-inom sa iisang straw sa tulong ni Duhrizz.
Malinaw naman ang binitiwang aral ni Lola Tinidora sa nasabing palabas na tanggalin ang inggit at matutong humingi ng tawad.
Dahil dito, muling umukit ng panibagong record ang AlDub tandem sa social networking site na Twitter kung saan, pumalo sa 6 Million ang mga tweets gamit ang hashtag na AlDub the abduction sa loob lamang ng 24 oras.
Binasag nito ang naunang record gamit ang hashtag na AlDub battle for a cause noong nakalipas na Sabado
Agaw pansin din ang isang blog ng nagpakilalang si straw, na siya umanong naglapit sa AlDub sa kabila ng pagharang ng plywood na nagkaroon din ng sariling facebook at twitter account.
By: Jaymark Dagala
