Umabot na sa isang daan (100) ang nasawi dahil sa malawakang pagbaha sa Central at Southern Nigeria.
Ayon sa tagapagsalita ng National Emergency Management Agency ng Nigeria, idineklara na rin ang National Disaster sa apat na state kabilang ang Kogi, Niger, Anambra at Delta.
Halos gumagamit na ng mga bangka ang mga residente sa Kogi tuwing lalabas ng kanilang mga tahanan.
Karaniwan nang nangyayari ang pagbaha sa Nigeria taon-taon bunsod ng rainy season pero ngayong taon aniya naitala ang pinakamapaminsalang pagbaha simula noong 2012.
—-
