Isang miyembro ng Abu Sayyaf ang patay habang 20 sundalo ang sugatan sa bakbakan ng militar at bandidong grupo sa Patikul, Sulu.
Ayon sa AFP-Western Mindanao Command, naganap ang engkwentro sa pagitan ng 41st infantry battalion at ASG na pinamumunuan ng sub-leader na si Idang Susukan at Ben Tattoo sa Barangay Langhub.
Nasa kalagitnaan ng military operations ang mga sundalo nang maka-sagupa ang nasa 40 bandido na tumagal ng 45 minuto.
Nagpadala na ng reinforcement ang Joint Task Force Sulu upang magsagawa ng blocking operations laban sa teroristang grupo.
Ito na ang ikatlong sunod na nagka-engkwentro ang militar at ASG simula pa noong Martes.
