Anim na magkakabarkada ang dinakip makaraang makumpiska sa kanila ang P100,000 halaga ng cocaine at imported marijuana o kush sa Bacoor City, Cavite.
Hindi tinukoy ng mga awtoridad ang pagkakakilanlan ng mga suspek na sinasabing pawang graduating pa sa pribadong kolehiyo.
Higit limang gramong cocaine na nagkakahalaga ng P30,000 at higit 10 gramo ng kush na higit P70,000 ang presyo ang nasabat mula sa kanila.
Pahayag ni Cavite Police Director Senior Superintendent William Segun, ibinebenta raw ng mga suspek ang droga sa mga bar sa mga karatig-lungsod.
Kasong paglabag sa Comprehensive Dangerous Drugs Act ang isasampa laban sa mga suspek.
