Hindi na matutuloy ang pagbabalik ng usapang pangkapayapaan sa pagitan ng pamahalaan at ng CPP-NPA-NDF na nakatakda sana sa a-bente otso ng Hunyo.
Paliwanag ni Presidential Peace Adviser Jesus Dureza, mahalagang makuha muna ang suporta ng taumbayan bago isapinal ang kasunduang pangkapayapaan sa rebeldeng komunista.
Mismong si Pangulong Duterte aniya ang nagbigay ng utos na magsagawa muna ng mas maraming public consultation.
Ayon pa kay Dureza, kanila nang naipaalam sa NDF at sa third party facilitator na Norway ang naging desisyon ng pamahalaan.
