Wala na talagang makapipigil sa patuloy na pagsuporta ng publiko sa AlDub love team.
Ito ay matapos umabot na sa halos 6 na milyon ang tweets ng hashtag #AldubBattleforaCause at ito na rin ngayon ang may pinakamaraming bilang ng tweets sa loob lamang ng 24 hours sa kasaysayan ng Pilipinas.
Sinubaybayan ng husto ng marami nating kababayan maging ang mga Pinoy sa ibang bansa ang kauna-unahang pagkikita nina Alden at Yaya Dub na talaga namang nakakakilig.
Ngunit sa post ni Alden sa twitter ay may panghihinayang ang aktor dahil hindi man lang daw niya nagawang makamayan si Yaya Dub dahil sa ginawang pagharang ni Lola ni Dora.
Samantala tiyak na aabangan na naman ang susunod na kabanata sa kalye serye ng Eat Bulaga lalo na’t dinukot ng di kilalang kalalakihan si Yaya Dub.
By: Jenny Valencia
