13 Nigerian at isang Pilipino ang inaresto ng mga otoridad dahil sa pagkakasangkot sa online scamming syndicate sa Cavite.
Ayon kay Imus City Police Chief Supt. Audo Madrideo, kabilang sa mga nadakip ang isa sa mga lider ng grupo na si Emmanuel Nandi, isang Nigerian sa isinagawang entrapment operation sa isang money transfer outlet sa Barangay Tanzang luma 2.
Modus ng grupo na lumikha ng pekeng Facebook account at nagkukunwaring miyembro ng United States Military.
Pinapangakuan ng mga suspek ang kanilang biktima na padadalhan ng pera at regalo galing abroad ngunit bago ito ay hihingan naman muna ang biktima ng pambayad sa shipping o customs fee.
Napag alaman na nakapasok sa bansa ang naturang mga nigerian gamit ang mga student visa.
