Bibigyan si Dating Pangulong Noynoy Aquino ng police security sa pagboto nito bukas, May 14 sa barangay at sangguniang kabataan elections.
Ayon kay Senior Superintendent Ritchie Medardo Posadas, Police Provincial Director ng Tarlac PNP, nabatid nila na palaging bumoboto sa lalawigan si Aquino kaya minabuti nila na bigyan ito ng seguridad kahit wala na siya sa pwesto sa gobyerno.
Samantala, inaasahan aniya na nasa 800,000 ang boboto sa lalawigan ng Tarlac.
Tiniyak din ng Tarlac City Police na magiging mapayapa ang halalan sa lugar kahit 13 barangay ang nasa election watchlist.