Patay ang isang local broadcast journalist matapos tambangan sa Labangan, Zamboanga Del sur.
Kinilala ng Labangan police ang biktima na si Carlos Matas na hosts ng Zambo News Patrol sa DXCA Bell FM at DXBZ Radyo Bagting na nakabase sa Pagadian City.
Ayon sa pulisya, inambush si Matas ng nasa apat na gunmen habang lulan ng kanyang motorisiklo sa Barangay Nuburan.
Narekober sa pinangyarihan ng krimen ang empty bullet shells mula sa kwarenta’t singkong baril at 5.56 m16 rifle.
Dalawang beses na tinambangan si Matas sa loob ng linggong ito kungsaan nakaligtas siya sa unang pag-atake noong nakalipas lamang na Martes, Mayo 8.
Hinala ng mga otoridad, may kaugnayan sa trabaho o barangay elections ang pagpatay sa mamamahayag na si Matas.
