Mas mainit na panahon ang posibleng maranasan ngayong buwan.
Ayon sa PAGASA, karaniwang naitatala ang pinaka-mainit na temperatura tuwing Mayo.
Dakong alas 2:00 kahapon nang maitala sa 46.8 degrees celsius ang heat index o 35.9 degrees celsius na aktuwal na temperatura sa Sangley Point, Cavite habang umabot sa 48.5 degrees celsius ang heat index o 34.8 degrees celsius na aktuwal na temperatura sa Ambulong, Batangas.
Samantala, dahil sa init ng panahon, natuyot na ang ilang palaisdaan sa Laoag City, Ilocos Norte kaya’t napilitan ang mga operator na maghango ng mga isda.
