Malaki ang naitulong ng home network ng singer na si Jed Madela para unti-unting malagpasan ang naranasang depresyon.
Ito ang inihayag ng singer kasabay ng pagsasabing mas mabuti na ang kanyang kalagayan at pakiramdam ngayong bagamat hindi pa siya fully recovered mula sa naranasang depresyon.
Ayon kay Jed, kinailangan lamang niya ng panahon para i-asssess ang mga bagay bagay sa kanyang buhay gayundin ang mga taong nakapaligid sa kanya.
Aniya, nagpapasalamat siya sa mga boss sa kanyang home network na patuloy na nagbigay ng pagmamahal at tiwala sa kanya.
Dagdag pa ni Jed, isa sa kanyang natutunan ay ang umiwas sa social media na nakatulong rin sa kanya para malagpasan ang depresyon.
Sa ngayon aniya ay pinipili na lamang niya ang mga babasahin sa social media at umiiwas sa mga negatibong komento o artikulo.
Enero nang kasalukuyang taon nang aminin ni Jed na dumaranas siya ng depresyon at anxiety attacks.
—-
