Nakatakda nang simulan ng COMELEC o Commission on Elections ang verification para sa mga nakalap na lagda ng kampo ni Dating San Juan Vice Mayor Francis Zamora.
Ito’y makaraang ibasura ng poll body ang inihaing motion for reconsideration ni Incumbent Mayor Guia Gomez para harangin ang re-call elections.
Ayon kay Zamora, magsisimula ang verification sa mga nakalap nilang lagda sa Abril 25 at tatagal naman ito hanggang Mayo 1.
Matapos nito, ayon kay Zamora, itatakda na ng COMELEC ang petsa ng recall elections para sa posisyon ng alkalde ng lungsod.
