Aapela ang National Youth Commission o NYC sa Commission on Elections o COMELEC na palawigin pa ang deadline ng filing ng certificate of candidacy para sa mga nais tumakbo sa Sangguniang Kabataan elections.
Ayon kay NYC Assistant Secretary Rhea Peñaflor, hindi aabot sa deadline na April 20 ang bilang ng mga kakandidato sa tatlongdaang libong (300,000) posisyon sa SK sapagkat sa ngayon pa lamang ay nasa halos apatnapung libo (40,000) pa lamang ang rehistradong tatakbo.
Ito’y kung saan higit tatlumpung libo (30,000) pa lamang ang nakapaghain ng kanilang COC bilang SK kagawad at higit 9,000 naman sa pagka-SK chairman.
Oras anila na hindi umabot sa dalawandaang libo (200,000) ang makapaghain ng COC ay mapipilitan ang NYC na maki-usap sa COMELEC.
—-
