Walang magaganap na live airing ng proceedings sa itinakdang oral arguments sa quo warranto petition laban kay on leave Supreme Court Chief Justice Maria Lourdes Sereno.
Ito ang ipinalabas na advisory ng Korte Suprema na nagsabing magkakaroon lamang ng access ang media sa live streaming sa labas ng Baguio session hall kung saan isasagawa ang summer session ng mga mahistrado.
Pinagbawalan din ang media na kumuha ng mga larawan at video sa loob ng session hall dahil masikip ang venue.
Papayagan lamang ang interviews bago pumasok sa session hall ang mga partido at maglalagay naman ng TV monitors sa designated media area para mapanood ang buong proceedings.
—-
