Arestado ang isang sub-leader ng Abu Sayyaf group kasunod ng nangyaring engkuwentro sa pagitan ng militar at ng mga bandido sa Patikul, Sulu kahapon ng umaga.
Kinilala ng WESMINCOM o Western Mindanao Command ng militar ang naarestong lider ng mga bandido na si Walton Juirin.
Naka-engkuwentro umano ng tropa ng 1st infantry division si Jujirin at apat pa nitong kasamahan habang nagsasagawa ng rescue operations sa Barangay Taung.
Iniwanang sugatan si Jujirin ng kaniyang mga kasamahan matapos ang limang minutong bakbakan at nasagip din ang mga bihag ng mga bandido.
