Sibak sa puwesto ang Regional Director ng PDEA -4A kasama ang 61 tauhan nito dahils a umano’y iregularidad sa ilang operasyon.
Ayon kay PDEA Spokesman Derrick Carreon tinanggal sa tungkulin si PDEA Region 4A Director Archie Grande at inilipat sa Region 9 habang balik national headquarters ang mga sinibak na tauhan.
Sinabi ni Carreon nag ugat ang pagsibak sa opisyal at kaniyang mga tauhan sa ilang operasyong ginawa ng mga ito kasama ang mga indibidwal na may hawak umanong identification card ng PDEA na pirmado ni Grande.
Ayon kay Carreon tanging ang kanilang head office lamang ang dapat mag isyu ng ID ng PDEA Agents dahil bukod pa centralized ang paggawa nito, mayruon ding security features ang mga ito.
RPE
