Tinatayang 9 Milyong Pisong halaga ng glutathione at iba pang beauty products mula Thailand ang nasabat ng Bureau of Customs (BOC) sa Ninoy Aquino International Airport (NAIA) sa Pasay.
Ayon kay Customs District Collector Vincent Philip Maronilla, ang shipment ay binubuo ng 84 karton na dumating nang two batches lulan ng fligths mula Bangkok, Thailand noong Pebrero 13.
Tumitimbang anya ang kontrabando ng mahigit dalawang tonelada na nadiskubre sa pamamagitan ng x-ray.
Natukoy naman ang consignee na si James Malinao Halasan ng Kamuning, Quezon City at Customs Broker na si Isagani Cortez.
RPE
