Ibinunyag ni Manila Representative Manuel Luis Lopez ang mga rice traders na bumubuo ng rice cartel sa kalakhang Maynila.
Sa pagdinig ng House Agriculture Committee, pinangalanan ni Lopez ang labing tatlong (13) rice traders na kinabibilangan ng Evergreen, Rising Sun, GRC, CGG, Expo, Arns, Working Gold, Leoneco, PMT, Hyper Rice, LM Rice Cereal, MML Grain Center at Grandio.
Ayon kay Lopez matatagpuan ang malalaking warehouse ng mga ito sa kahabaan ng Dagupan Street sa Tondo Maynila.
Dagdag pa ng kongresista na pawang mga “singkit” aniya ang nagmamay-ari ng mga nasabing kumpaniya na nagkokontrol ng preso ng bigas sa Metro Manila.
Dahil dito, iminungkahi ni Camarines Sur Representative Luis Raymund Villafuerte na ipatawag sa susunod na pagdinig ang nabanggit na mga rice trader.
—-
