Wala nang saysay pa ang gagawing imbestigasyon ng senado kaugnay sa mga umano’y tagong yaman nila Pangulong Rodrigo Duterte at Davao City Mayor Sarah Duterte – Carpio.
Ito ang muling binigyang diin ni Solicitor General Jose Calida makaraang isulong ni Senador Antonio Trillanes IV ang kanyang reklamo sa Committee on Banks and Financial Institutions ng senado laban sa mag-amang Duterte.
Giit ni Calida, malinaw na pamumulitika na lamang ang ginagawa ni Trillanes dahil sa tila pagpupumilit nito na buhayin ang isyu gayung ibinasura na mismo iyon ng ombudsman dahil sa kawalan ng ebidensya.
“It was rejected by the ombudsman. Ano ba ito? Marami na kasi tayong batas tungkol sa money laundering. Ano ang purpose nito? Is it for legislation? If it’s not, then the senate can investigate any official.”
(From Sapol Interview)
