Nagpasalamat si CPP-NPA-NDF Founding Chairman Jose Maria Sison sa Royal Norwegian Government kasunod ng pangako nito na tutulong sa pagtatamo ng tunay at pangmatagalang kapayapaan sa Pilipinas
Ayon kay Sison, laging bukas ang kanilang hanay na bumalik sa negotiating table sa pamahalaan kung nanaisin aniya ito ni Pangulong Rodrigo Duterte.
Naniniwala rin si Sison na mas praktikal pa rin ang negosasyon upang resolbahin ang ugat ng mga armadong pakikibaka lalo na sa mga kanayunan.
Sa pamamagitan aniya nito, makabubuo ng isang komprehensibong kasunduan kaugnay ng repormang social, economic at political sa halip na dumipende lamang sa puwersa o pagpapatupad ng all out war policy.
