Hindi pa maaaring ibaba ang alert level sa Bulkang Mayon, sa Albay.
Ito, ayon kay PHIVOLCS Director Renato Solidum, ay kahit walang naitalang malakas na eruption o anumang malaking aktibidad ng Mayon sa nakalipas na mga araw.
Bagaman bumagal anya ang serye ng pagsabog, nagpapatuloy pa rin ang eruption.
Nakapaglabas na rin ang bulkan ng nasa 77 million cubic meters ng volcanic materials o malapit na sa tinatayang volume sa magma chamber.
Ipinaliwanag ni Solidum na sakaling mangyari ito ay makukumpleto na ng Mayon ang eruption nito.
Samantala, nakapagtala na ng 76 na volcanic earthquakes sa paligid ng Mayon, simula nang mag-alburoto ito, noong Enero.
