Mag-focus sa trabaho.
Ito ang tuloy-tuloy na gagawin ng mga opisyal ng Commission on Higher Education o CHED.
Ayon kay CHED Officer-in-Charge Prospero De Vera, malaking hamon sa kanilang tungkulin ang pagpapatupad ng free access to higher quality education simula sa buwan ng Hunyo.
Loaded din aniya ang mga commissioner sa kanilang responsibilidad matapos maghati-hati sa paghawak sa mahigit isandaang (100) state colleges and universities o SUCs.
“Tayo’y humaharap doon sa implementasyon ng pinakamalaki at pinakamahalagang social justice program ng Pangulo yung free access to quality higher education sa June kaya kaming mga commissioner lalo na yung apat na PRRD commissioner ay talagang nakasubsob dito sa preparasyon ng implementasyon ng free higher education law sa June.” Pahayag ni De Vera
(Ratsada Balita Interview)
