Magtatambal sa unang pagkakataon sina Miss Universe 2015 Pia Wurtzbach at Kapamilya actor Gerald Anderson para sa isang proyekto.
Ang pelikulang pinamagatang ‘My Perfect You’ ay hahawakan ng box-office director na si Cathy Garcia-Molina.
Ito din ang unang pagkakataon na magkakatrabaho sina Pia, Gerald at Direk Cathy.
Ayon kay Gerald, look test pa lamang nila ay ‘challenging’ na habang nagpahayag naman ng ‘excitement’ si Pia.
Ani Pia, nakaka-challenge ang naturang proyekto lalo’t napakagaling na aktor ni Gerald.
Samantala, wala pang ibinahaging iba pang detalye kaugnay sa naturang proyekto nina Pia at Gerald.
