Sinampahan na ng BIR o Bureau of Internal Revenue sa Department of Justice ng kasong tax evasion sina Yi Shen Dong alyas Kenneth Dong at Mark Taguba na kapwa nadawit sa paglusot ng 6.4 bilyong pisong shabu shipment.
Ayon sa BIR, bigong mabayaran ni Dong ang nasa 11 milyong pisong na income taxes noong 2013 at 2016.
Habang nasa 850 milyong pesos naman ang hindi nabayarang income tax at value added tax ni Taguba noong 2016.
Matatandaang si Taguba ang sinasabing fixer ng Bureau of Customs na nagpalusot sa nasabing shipment habang si Dong naman ang sinasabing “middleman” sa naturang kontrabando.
