Sinampahan ng kasong graft sa First Division ng Sandiganbayan ang alkalde ng Bulan, Sorsogon na si Helen de Castro.
Nag-ugat ang reklamo dahil sa maanomalyang transaksyon ng lokal na pamahalaan ng Bulan sa contractor ng isang bus terminal noong 2007.
Ayon sa reklamong inihain ni Maricel Quilates, Officer 2 ng graft investigation and prosecution, nakipagsabwatan umano si De Castro sa contractor matapos nitong hindi pagbayarin ang bus company ng danyos sa idinulot nitong pagkaantala sa installation ng transformer sa main terminal building.
Maliban kay De Castro, kinasuhan din ng graft ang municipal engineer ng kanilang municipal engineer na si Engineer Toby Gonzales Jr. at ang may-ari ng S. R. Baldon Construction and Supply na si Shirley Baldon.
—-
