Patay ang isang bilyonaryo at asawa nito sa Bayview Avenue, Ontario, Canada.
Kinilala ang mga biktima na sina Barry Sherman, isang Canadian pharmaceutical billionaire at kanyang asawang si Honey na kapwa natagpuang wala ng buhay sa loob mismo ng kanilang tahanan.
Ayon sa ulat ng Toronto Sun at The Globe, natagpuan ang mag-asawa na nakabitin ang katawan sa railing ng kanilang basement pool.
Dahil dito ikinukunsiderang posibleng isa itong murder-suicide.
Posible umanong pinatay ni Barry ang kanyang asawa at isinabit ang wala ng buhay nitong katawan bago siya naman ang nagpatiwakal.
Ika-12 na pinakamayan si Barry sa Canada ayon sa Forbes Magazine na may kabuuang yaman na 3.2 billion dollars.
