Sinabon ng House Justice Committee si Atty. Larry Gadon hinggil sa mga alegasyong pinalulutang nito na hindi naman suportado ng anumang ebidensya.
Ito ay kaugnay sa sinasabi ni Gadon na may tycoon umano ang nag-aalok ng 200 milyong piso sa mga senador para ma-acquit si Chief Justice Maria Lourdes Sereno sakaling umusad ang impeachment trial laban dito.
Payo ni Ako Bicol Party-list Representative Alfredo Agabin Jr., manahimik na lamang si Gadon lalo’t maaaring makaapekto sa integridad ng impeachment ang mga akusasyon nito.
Ibinabala pa ni Gabin na maaaring ma-contempt at binigyan ng limang araw para magpaliwanag.
“So many statements and assertions coming from you which really affects the integrity of this committee. I advise Mr. Gadon to keep his mouth shut if he cannot verify or reveal to us the oligarch, the source of this P200 million pesos.” Ani Agabin
Kamambyo naman si Gadon at sinabing hindi naman siya naniniwalang masusuhulan ang mga senador na tatayong impeachment judges.
“Doon mismo sa mga article sinasabi ko doon na hindi ako naniniwala na yung mga senador ay masusuhulan at sila ay titingin sa merits ng case, kaya wala po akong nakikitang contempt doon dahil ako mismo ay itinatanggi ko na mangyayari yun.” Pahayag naman ni Gadon
Samantala, sinabi naman ni Antipolo Representative Romeo Acop na maaaring malagay sa alanganin ang kredebilidad ni Gadon kung patuloy aniya ito magpapahayag ng mga kasinungalingan.
“Kung mas marami pa kayong sinsabi na mga bagay-bagay na hindi totoo eh baka ang mga tao na makikinig mismo dito sa ating proceedings ay hindi na maniniwala, perhaps we should ask Mr. Gadon, please shut up your mouth.” Dagdag naman ni Acop
—-
