Tuluy-tuloy ang pagbaba ng antas ng tubig sa Angat Dam.
Ayon sa Hydrology Division ng PAGASA, alas-6 kaninang umaga ay nasa 203.15 meters ang water level sa Angat Dam kumpara sa 203.28 meters na water level nito kahapon, Enero 27.
Nabawasan din ang water level sa San Roque, Pantabangan, Magat at Caliraya dams.
Samantala, nadagdagan ang water level sa Ipo Dam gayundin sa Ambuklao at Binga dams at wala namang pagbabago sa antas ng tubig sa La Mesa Dam.