Inihirit ng nakakulong na si dating Senador Ramon “bong” Revilla Junior ang pagbasura sa kanyang plunder charges kaugnay sa Pork Barrel fund Scam at paglaya mula sa PNP Custodial Center.
Sa 57 pahinang mosyon, hiniling ni Revilla na makapag-leave upang makapaghain ng demurrer to evidence noong November 28, umapela sa Sandiganbayan 1st Division na ibasura ang kanyang kaso.
Ito, ayon kay dating Solicitor-General Estelito Mendoza, abogado ni Revilla, ay dahil nabigo umano ang office of the ombudsman na patunayang tumanggap siya ng 224.5 Million Pesos na kickbacks.
Tangi anyang si Richard Cambe, Chief-of-Staff ng dating Senador at negosyanteng si Janet Lim-Napoles ang idiniriin ng Ombudsman sa ebidensya nito.
