Umapela ang Malacañang ng ‘special powers’ para kay Pangulong Rodrigo Duterte para tuluyan nang maresolba ang matinding problema sa Metro Rail Transit o MRT-3.
Ayon kay Presidential Spokesperson Harry Roque, tiyak na gagawa ng legal na hakbang ang Busan Universal Rail Incorporated o BURI para hindi tuluyang mawala ang kontrata nito bilang maintenance provider ng MRT.
Kasabay nito, tiniyak ni Roque na magpapakita rin si Pangulong Duterte ng ‘political will’ para resolbahin ang problema sa MRT katulad ng ginawa nitong hakbang sa pagsugpo ng iligal na droga sa bansa.
—-
