Tiniyak ng pamunuan ng MRT na tutulungan nila sa gastusin sa ospital ang babaeng nahulog sa riles ng MRT at naputulan ng braso na kinilalamg si Angeline Fernando, 24 anyos.
Ayon kay Department of Transportation o DOTr Undersecretary Cesar Chaves, nakausap na niya ang ama ng biktima.
Kwento ni Tatay Jose Fernando Jr., 61 anyos, nag – iisang anak lamang nila si Angeline at breadwinner pa aniya ito.
May online business aniya ang 24 anyos niyang anak.
Walang trabaho si Tatay Jose habang mananahi naman ang kanyang misis.
Sa ngayon ayon kay Chavez, may kasama nang MRT representative si Tatay Jose at hindi aniya ito iiwan hangga’t hindi nakakausap ang kinatawan ng Makati Medical Center.
