Pinamamadali ng Philippine Drug Enforcement Agency o PDEA ang paglalagay ng kanilang tanggapan sa New Bilibid Prison (NBP).
Ito ay makaraang makumpiska ang milyong pisong halaga ng droga sa loob ng Correctional Institute for Women mula sa tinaguriang drug queen na si Yu Yuk Lai.
Ayon kay PDEA Director Aaron Aquino, layunin nila na mabantayan ang mga kritikal na aktibidad ng pagpupuslit ng iligal na droga sa loob ng mga selda.
Maliban sa NBP, plano ding ikasa ng PDEA na maglagay ng tanggapan sa Bureau of Customs o BOC upang ma–inspeksyon ang mga shipping vessel na dadaong sa mga pantalan sa bansa.
