Kanselado ang ilang flights ngayong araw dahil sa sama ng panahon.
Ayon sa abiso ng Manila International Airport Authority o MIAA, kabilang sa mga apektado ng kanselasyon ay ang flights ng Cebu Pacific na may biyaheng Maynila patungong Virac at pabalik at Maynila patungong Tuguegarao at pabalik.
Pinapayuhan naman ang mga apektadong pasahero na makipag-ugnayan sa airline company para sa refund o kaya ay rebooking.
Kasalukuyang nagdadala ng mga pag-ulan sa bansa ang tropical depression Ramil.
—-
