Mahigit 300 foreign observers ang nakatakdang magbantay sa mismong araw ng botohan sa Mayo a-nueve.
Ayon kay COMELEC Chairman Saidamen Pangarungan, nasa 338 na foreign observers o independent international monitor ang inimbitahan ng ahensya para tutukan ang eleksiyon.
Nabatid na nabigyan ng accreditation ang mga foreign observers para sa interes ng transparency at honesty ng halalan.
Sakop ng kanilang tututukan ang proseso sa paggamit ng vote counting machine, proseso sa pag-transmit ng data o bilang ng boto mula presinto hanggang sa national board of canvasser.
Ayon kay Pangarungan ang mga international observer ay hindi pagbabawalang mag-monitor sa proseso ng eleksiyon basta masigurong ligtas at walang magiging aberya sa botohan.