Nagpalabas na ang Metro Manila Development Authority o MMDA ng re routing scheme para sa mga lansangang nasa paligid ng Manila North Cemetery kasunod na rin ito ng inaasahang pagdagsa ng milyon-milyong Pilipino sa Manila North Cemetery sa Nobyembre 1 para dumalaw sa mga namayapang mahal sa buhay.
Ayon sa advisory ng MMDA, simula alas 4:00 ng madaling araw ng Nobyembre 1, ang mga truck at bus mula A. Bonifacio at Balintawak na patungong Maynila ay kailangang kumaliwa sa Sgt Rivera st., kanan sa D. Tuazon st. at kanan sa Calamba st.
Ang mga truck at bus namang pabalik sa kanilang destinasyon ay kailangang pumasok sa Maria Clar, kaliwa sa Banawe st. kaliwa sa Sgt Rivera at kanan sa A. Bonifacio.
Ang mga pribadong sasakyan, public utility jeepneys at mga taxi na mula Balintawak patungong Maynila ay makakadaan lamang sa Mayon st., kanan sa Retiro st., kaliwa sa Dr. Alejos st, kanan sa Don Manuel Agregardo st. na tatagos ng Blumentritt.
Kapag pabalik naman ng point of origin, ang mga sasakyan ay pinadadaan sa Retiro st., kaliwa sa CDC st., kaliwa sa Angeo st., kanan sa Sgt Rivera, kaliwa sa Speaker Perez, kaliwa sa Del Monte Avenue at kanan sa A. Bonifacio patungong Balintawak.
Ipinabatid pa ng MMDA na ang outer most lane westbound ng A. Bonifacio mula Mayon-Del Monte at A. Bonifacio intersection hanggang Calavite st. ay partially closed at tanging mga pedestrian lamang ang makakadaan sa lugar.
Pinapayuhan naman ang mga motorista na mag park sa designated areas tulad ng Ipo, General Tinio, Abao, Labo at Bulusan samantalang ipinagbabawal naman ang pagpa park sa outermost lane ng A. Bonifacio avenue mula C3 hanggang Cavite.