Umalma ang may 300 tsuper at kundoktor ng Valisno Express Bus.
Ito’y matapos isilbi ng Land Transportation Franchising and Regulatory Board o LTFRB ang 30 suspension order laban sa kanila.
Ayon sa mga tsuper at kundoktor, hindi patas na idamay ang lahat sa pagkakamali ng kasamahan nilang si George Pacis na siyang tsuper ng naaksidenteng bus kamakalawa.
Anila, nagpasikat umano si Pacis sa kaniyang mga pasahero dahilan upang maaksidente ang minamanehong bus.
Pagtitiyak pa ng ibang tsuper, handa silang sumailalim sa drug test upang maialis na ang duda ng mga otoridad hinggil sa aksidente.
By Jaymark Dagala
