Inireklamo ang anim na pulis-olongapo ng isang babaeng detainee dahil umano sa panggagahasa sa kaniya may apat na buwan na ang nakakalipas.
Kinilala ang mga inirereklamong pulis na sina PO1 Raymond Diaz, PO3 Diosdado Alterado, PO3 Stevie Rivera, PO2 Nelson Abalos, PO1 Ed Mesias, at PO1 Gaylord Calara.
Ayon sa ulat, nakulong ang 30-anyos na babae sa station 5 ng Olongapo City sa Barangay Santa Rita dahil sa kinasasangkutang iligal na droga.
Dito umano naganap ang panghahalay sa kaniya diumano, pinasayaw muna siya ng isang pulis sa kanilang harapan at matapos nito ay ginahasa na umano siya ng isa sa mga pulis habang nanunuod pa ang ibang mga kasamahan nito.
Nagkaroon lamang ng pagkakataon na makapagsumbong ang biktima nang ilipat siya ng detention facility.
Samantala, mariin naman itinatanggi ng mga pulis ang paratang laban sa kanila.
—-