Nakatakdang harangin ng Minority Bloc sa Senado ang 900 milyong pisong pondo para sa Oplan Tokhang ng Philippine National Police o PNP.
Ito ayon kay Senator Bam Aquino ay kahit pa inaprubahan na ng Senate Finance Committee ang nasabing pondo.
Ani Aquino, mas mabuti kung gamitin na lang sa pagpapagawa ng drug rehabilitation centers ang pondo sa halip na sa mga police operations upang wala na aniyang mapatay pa na mga inosente.
Ngunit kinontra naman ito ni Senate Majority Floor Leader Tito Sotto at sinabing oras na igiit ng Minorya ang pagharang sa pondo para sa Oplan Tokhang ay kanila itong idadaan sa botohan.
—-
