Inupakan din ng National Union of Journalist of the Philippines ang political blogger na si Rey Joseph o R.J. Nieto na mas kilala bilang Thinking Pinoy.
Tinawag na sinungaling ng N.U.J.P. si Nieto matapos ang hearing ng Senado hinggil sa fake news at mga maling impormasyon sa social media.
Ayon sa NUJP, walang puwang sa gobyerno o kahit sa pamamahayag ang mga katulad ni Nieto.
Sinupalpal din ng N.U.J.P. ang blogger dahil sa pagbabawas nito ng mga impormasyon sa pagdinig ng Senado upang palabasin na ang kanyang batikos sa photojournalist na si Jes Aznar ay isang uri lamang ng paalala.
