Pinangalanan na ni Senador Antonio Trillanes IV ang aniya’y swindler na nagbibigay umano ng mga maling impormasyon kay Pangulong Rodrigo Duterte.
Kaugnay ito sa mga isiniwalat ng Pangulo hinggil sa mga umano’y offshore accounts ng senador na naglalaman umano ng mga tagong-yaman nito.
Sa kaniyang privilege speech sa senado noong Martes, sinabi ni Trillanes na ang isang Daniel “Snooky” Cruz na nagpapanggap aniyang may koneksyon sa US Embassy sa Maynila at nagpapakilalang federal agent ng Amerika.
Ibinebenta umano ni Cruz ang mga anito’y pekeng datos sa Pangulo na agad naman aniyang kinagat ng Punong Ehekutibo kahit batid na nito na gawa-gawa lamang ang mga nasabing record.
