Pinag-iingat ng Malakanyang ang Ombudsman mula sa mga umano’y nagtatangkang pabagsakin ang administrasyong Duterte.
Ito’y ayon sa Palasyo ay matapos ilabas ng nasabing tanggapan ang bank record ni Pangulong Rodrigo Duterte na umano’y nagmula sa AMLC o Anti-Money Laundering Council.
Ayon kay Presidential Spokesman Ernesto Abella, unti-unti na aniyang ipinapakita ng Ombudsman ang tunay na kulay o kung saang partido ito pumapanig.
Bagama’t hindi tinukoy ni Abella kung anong partido o grupong pulitikal ang sinasabi niyang nasa likod ng destabilisasyon laban sa pamahalaan, sinabi nito na dapat huwag pumasok ang Ombudsman sa patibong ng mga grupong may sariling interes.
