Tinanggihan ng aktres na si Aiko Melendez na makasama sa isang project ang kapwa aktres na si Ara Mina sa kabila ng pagkakaayos ng dalawa matapos ang labing-anim (16) na taong hidwaan.
May nagbigay daw umano ng suhestiyon na magsama sila sa isang pelikula lalo na’t parehas naman silang award-winning actress.
Ngunit paliwanag ni Aiko, kakabati pa lamang nila ni Ara at mas gusto niyang irespeto ang proseso ng kanilang pagkaka-ayos.
Dagdag pa ng aktres, ayaw din niya na isipin ng mga tao na ginagamit lamang niya ang sitwasyon nilang dalawa ni Ara.
Nandoon din umano ang anggulo na maaari silang pag-piyestahan ng mga tao at muling maungkat ang dahilan ng kanilang alitan.
Matataandaan na nag-ugat ang away ng dalawa nang nagkaroon ng relasyon sina Ara at Jomari Yllana na noon ay kasal pa kay Aiko.
